Жапалак айылындагы жерлерди тактоо иштери жүрүүдө, деп билдирет Ош шаардык мэриясынын басма сөз кызматы.

Маалыматка ылайык, июндун башынан тарта «Кадастр» мамлекеттик мекемесинин Оштогу филиалы жана «Кыргызгипрозем» мамлекеттик ишканасы биргеликте «Геоскан 101» учкучсуз учуучу аппаратынын жардамы менен аймактагы жерлердин аймагын тактап ирээтке келтирүү жана жер багытын аныктоо максатында аэро-сүрөткө тартуу иштерин жүргүзүшүүдө.

Жүргүзүлүп жаткан жумуштар менен жеринде Ош шаарынын мэриясы тарабынан түзүлгөн жумушчу комиссиянын төрагасы, Ош шаарынын мэринин биринчи орун басары Марс Исаев баштаган адистер Жапалак айылдык аймагындагы жер тилкелерин аныктап чыгуу, тизмеге алуу жумуштарынын жүрүшү менен таанышышты.

Жалпысынан Жапалак айылдык аймагында 12,5 миң гектар жер аянты каттоого алынат.