Кыргызстандын Малайзиядагы элчиси Алтынбек Жумаев Малайзиянын Королу Султан Абдулл Риаятуддин Аль-Мустафа Билах Шахка ишеним грамотасын тапшырды. Бул тууралуу Жумаев Фейсбуктагы баракчасына жазды. Грамота тапшыруу аземи "Истана Негера" королдук сарайында өткөн.

"Кудай буйруса мамлекетиме ак дилден кызмат кылам. Мага ишеним арткан Президент Садыр Нургожоевич Жапаровго, ошондой эле билим берип, келечегиме ишенип, жакшы сөзүн аябаган КУУ, Кыргыз-Россия билим берүү академиясы, ОшМУ, ДипАкадемиядагы агай-эжейлериме, англис тилин үйрөткөн эжекеме ыраазычылык билдирем. Кыргыз өкмөтүндө, Президенттин администрациясында жооптуу кызматтарды аркаладым. Мамлекеттик ТВларда жетекчи болуп иштедим. "7-канал" жеке менчик көз карандысыз телеканалды түптөп, 11 жыл жетектеп, 300дөн ашык улан-кыздарды кесипке үйрөтүп, тарбиялап чыгардым. Урматтуу кесиптештер, сиздерге да ыраазычылык билдирем", - деп жазган Жумаев.