Ош облусунда балдардын сууга түшүүдөгү этиятсыздыгынан жыл сайын ондогон өспүрүмдөр каза болот. Ош облустук ички иштер башкармалыгы эскертет: балдарды кооптуу каналдарга, бассейндерге өзүн жалгыз жибербеңиз! Эскерте кетсек, 2020-жылы - 15, 2021-жылы - 19, 2022-жылы - 14 өспүрүм сууга чөгүп көз жумган.

Ош облустук ички иштер башкармалыгы атайын таасирдүү кыскача ролик тарткан. 

Сууга түшүүдөгү коопсуздук эрежелери: 

- Агын сууларга, көлмөлөргө түшүүгө тыюу салынат;

- Сууга чоңдордун, ата-энелердин көзөмөлүндө гана түшүү керек;

- Мурда көрүп-билбеген, балыры көп жерге түшүүгө болбойт. Суунун тереңдиги көрүнбөйт. Бутка оролгон балыр сууга түшүүгө тоскоолдук жаратып, чөгүп кетүүгө жол ачат.

- Алыс сүзүүгө болбойт;

- Мас болуп сууга түшкөнгө болбойт;

- Баланы суу боюнда кароосуз калтырбагыла;

- Кайык, моторлуу кайыктын артынан кубалап, асылууга, жабышууга болбойт;

- Күн бүркөө же катуу шамал башталганда сууга түшүүдөн абайлагыла;

- Үйлөмө матрац, жаздыкча, дөңгөлөктүн камерасында сүзүүгө болбойт. Ал жарылып кетсе, адам терең жерге түшүп кетүүсү ыктымал.