Ош облустук ички иштер башкармалыгында милиция кызматкерлеринин апалары "Мээримдүү айым" медалы менен сыйланышты. Маалыматты аталган башкармалыктын басма сөз кызматы билдирди. 

Кыргыз милициясынын өсүп-өнүгүшүнө, коопсуздуктун сакталышына жана өсүп келе жаткан муунду тарбиялоодо кошкон салымы үчүн башкармалыкта иштеген кызматкерлердин апаларына ИИМдин ардагерлер кеңешинин протоколунун чечими менен "Мээримдүү айым" медалы тапшырылды. 

Ошондой эле, Абдулла Нурмаматовдун 70 жашка толгонуна байланыштуу ИИМдин "Ардак" медалы менен башкармалыктын башчысы Жеңишбек Жоробеков сыйлады. 

Өз кезегинде "Мээримдүү айым" медалы менен сыйланган энелер башкармалыктын жетекчилигине ыраазычылыгын билдирди.